‘मी देखील गोडसेचा रोल केला आहे, प्रत्येक गोष्टीचं भांडवल करू नये…’ : नाना पाटेकर

पुणे: सध्या सोशल मीडियावर खासदार आणि अभिनेते अमोल कोल्हे यांनी नथुराम गोडसेचा रोल केल्याने मोठी चर्चा सुरू आहे.

यावर मोठे वादविवाद होताना दिसत आहेत. काही नेटकऱ्यांनी याला विरोध दर्शविला आहे तर काहींनी पाठींबा दिला आहे. यावर नाना पाटेकरांनी पुण्यात भाष्य केले. नाना म्हणाले, अमोल कोल्हे अभिनेते आहेत, त्यांनी कुठली भूमिका करायची नाही करायची हा त्यांचा वैयक्तिक प्रश्न आहे.

पुढे बोलताना नाना म्हणाले, 30 वर्षापूर्वी मी देखील गोडसेचा रोल केला आहे. ती फिल्म इंग्लिश होती. मी गोडसे केला म्हणजे मी त्याचे समर्थन केलं असं होत नाही. त्यामुळे कलाकार म्हणून हा ज्याचा-त्याचा वैयक्तिक प्रश्न आहे. जेव्हा एखादी व्यक्ती समर्थन करते तेव्हा तुम्ही त्याला प्रश्न विचारू शकता. माझ्या उपजीविकेचं साधन तेच असल्यामुळे मला ती भूमिका करावीच लागली होती.

‘प्रत्येक गोष्टीचं भांडवल करण्याची काही गरज नाही. त्यांनी जेव्हा शिवाजीची भूमिका केली तेव्हा ही भूमिका का केली असं का विचारलं नाही. त्यावेळी तुम्ही त्यांना कलाकार म्हणून मान्यता दिली. जनसामान्यात त्यांनी अतिशय योग्य प्रकारे महाराज पोहोचवले, असंही नाना म्हणाले.

The post ‘मी देखील गोडसेचा रोल केला आहे, प्रत्येक गोष्टीचं भांडवल करू नये…’ : नाना पाटेकर appeared first on The GNP Marathi Times.

source https://gnptimes.in/i-too-have-played-the-role-of-godse-dont-capitalize-on-everything-nana-patekar/

किरण मानेंच्या पत्नीने राज्य महिला आयोगाकडे केली तक्रार

मुंबई : अभिनेता किरण माने यांना ‘मुलगी झाली हो’ या मालिकेतून काढल्यामुळे सध्या ते सोशल मीडियावर बरेच चर्चेत आहेत. काही मंडळी किरण माने यांना पाठिंबा दर्शवत आहेत तर काही जण त्यांना ट्रोल करत आहेत.

‘मुलगी झाली हो’ मालिकेत प्रमुख भूमिकेत असलेल्या अभिनेत्रींनी किरण मानेंवर गंभीर आरोप केले होते. अशातच किरण माने यांच्या पत्नी ललीता किरण माने यांनी राज्य महिला आयोगाकडे तक्रार केली आहे.

किरण माने गेली अनेक वर्ष मालिकांमध्ये काम करत आहेत. व त्यातून मिळणाऱ्या उत्पन्नावर त्यांच्या कुटुंबाचा उदरनिर्वाह होत आहे. तक्रार अर्जात किरण मानेंच्या पत्नीने लिहिले आहे, किरण माने पुरोगामी विचारवंत आणि लेखक आहेत. ते विविध माध्यमातून त्यांची वैचारिक भूमिका मांडत असतात. त्यांना कोणतीही पूर्वसूचना न देता निर्मात्यांनी मालिकेतून काढून टाकले आहे. निर्मांत्याच्या या कृतीमुळे एका प्रगल्भ अभिनेत्यावर अन्याय झाला आहे. तसेच कुटुंब आर्थिक संकटात सापडल्याने मानसिक तणावात आहे.

कलावंतांनी वैचारिक राजकीय भूमिका मांडल्यामुळे त्यांना मालिकेतून काढून टाकणे ही बाब कलाकाराच्या वैचारिक व्यक्तिस्वातंत्र्यावर हल्ला करणारी असल्यामुळे याबाबतचा लेखी खुलासा राज्य महिला आयोगास सादर करण्याचे निर्देश या मालिकेच्या निर्मात्यांना देण्यात आलेले आहेत.

The post किरण मानेंच्या पत्नीने राज्य महिला आयोगाकडे केली तक्रार appeared first on The GNP Marathi Times.

source https://gnptimes.in/kiran-manes-wife-lodged-a-complaint-with-the-state-womens-commission/

यंदाचा सवाई गंधर्व भीमसेन महोत्सव रद्द

पुणे : राज्यात व शहरात वाढत असलेली कोरोना बाधितांची संख्या आणि राज्य सरकार व स्थानिक प्रशासन यांच्याकडून परिस्थितीनुसार वेळोवेळी नियमावली बदलण्यात येत आहे.

त्यामुळे निर्माण झालेल्या अनिश्चिततेच्या पार्श्वभूमीवर येत्या २ ते ६ फेब्रुवारी दरम्यान आयोजित करण्यात येत असलेला ६८ वा सवाई गंधर्व भीमसेन महोत्सव रद्द करण्यात येत असल्याचे आर्य संगीत प्रसारक मंडळाचे कार्याध्यक्ष श्रीनिवास जोशी यांनी सांगितले आहे.

यंदा भारतरत्न पंडित भीमसेन जोशी यांचे जन्म शताब्दी वर्ष असल्याने महोत्सव व्हावा अशी रसिकांची प्रबळ इच्छा होती. परंतु महोत्सवाची भव्यता, व्याप्ती व आयोजनासाठी लागणारा वेळ बघता सद्य परिस्थितीत महोत्सव रद्द करण्याशिवाय दुसरा कोणताही पर्याय उरला नसल्याचे जोशी यांनी सांगितले.

आर्य संगीत प्रसारक मंडळाने जन्मशताब्दी वर्षाची सांगता ६८ व्या सवाई गंधर्व भीमसेन महोत्सवाने करण्याचा निर्णय घेतला होता. त्यानुसार दि. २ ते ६ फेब्रुवारी, २०२२ या कालावधीत मुकुंदनगर येथील कटारिया प्रशालेच्या प्रांगणात हा महोत्सव रंगणार होता. त्यावेळी राज्य सरकारची जी नियमावली प्रचलित असेल त्याचे पालन करून महोत्सवाचे आयोजन केले जाईल, असे मंडळाने स्पष्ट केले होते.

राज्य शासनाने बंदिस्त सभागृहात कार्यक्रम आयोजित करण्यासाठी ५० टक्के तर खुल्या मैदानातील आयोजनासाठी 25 टक्के क्षमतेची मर्यादा निश्चित केली आहे. मात्र २५ टक्के क्षमतेमध्ये सवाई गंधर्व भीमसेन महोत्सव आयोजित करणे शक्य नसल्याची भूमिका मंडळाने घेतली होती. राज्याचे उपमुख्यमंत्री अजित पवार यांनी चित्रपटगृहे, नाट्यगृहांसह इतरही सांस्कृतिक कार्यक्रमांना शंभर टक्के क्षमतेने कार्यक्रम आयोजित करण्यास परवानगी देण्याचे जाहीर केले आणि त्यामुळे चालू महिन्याच्या अखेरीस महोत्सव आयोजित करण्याच्या हालचाली आयोजकांनी सुरू केल्या होत्या.

मात्र ओमायक्रॉन विषाणूच्या पार्श्वभूमीवर ही घोषणा अवघ्या काही तासाच हवेत विरली. त्यामुळे आयोजकांच्या आनंदावर विरजण पडले. परंतु, पंडितजींच्या जन्मशताब्दी वर्षातच महोत्सवाचे आयोजन व्हावे याकरिता सवाई गंधर्व रसिक मंडळाने ५० टक्के क्षमतेच्या उपस्थितीत शासनाने आयोजनास परवानगी द्यावी याकरिता मोहीम राबविली होती. अखेर सरकारच्या नियमात वारंवार बदल होत असल्याने महोत्सव रद्द करण्यात आला आहे.

The post यंदाचा सवाई गंधर्व भीमसेन महोत्सव रद्द appeared first on The GNP Marathi Times.

source https://gnptimes.in/this-years-sawai-gandharva-bhimsen-festival-canceled/

Rekha Kamat : ज्येष्ठ अभिनेत्री रेखा कामत यांचं निधन

मुंबई : मराठी कलाविश्वातील दिग्गज अभिनेत्री रेखा कामत यांचं निधन झालं आहे. त्या ८९ वर्षाच्या होत्या. (Rekha Kamat) वृध्दापकाळामुळे रेखा कामत यांची प्राणज्योत मालवली असून माहिम येथे त्यांनी अखेरचा श्वास घेतला.

गेल्या ६० वर्षांपेक्षा अधिक काळ त्या कलाविश्वात सक्रीय होत्या. नाटक, मालिका, चित्रपट अशा विविध माध्यमातून रेखा कामत यांनी प्रेक्षकांचं मनोरंजन केलं होतं. विशेष म्हणजे त्यांची प्रत्येक भूमिका प्रचंड गाजली असून त्यांच्या निधनामुळे कलाविश्वात मोठी पोकळी निर्माण झाली आहे.

MUMBAI, INDIA – OCTOBER 12, 2006: Rekha Kamat at the launch of Marathi website marathitaraka.com – (Photo by Dipak Hazra/Hindustan Times via Getty Images)

रेखा कामत यांचं माहेरचं नाव कुमुद सुखटणकर. दादरमधील इंडियन एज्युकेशन सोसायटीमध्ये रेखा कामत यांचं शालेय शिक्षण झालं. शैक्षणिक शिक्षण घेत असतांनाच त्यांनी कथ्थक आणि भरतनाट्यमचेही धडे गिरवले. तसंच भानुदास मानकामे व घोडके गुरुजींकडून गायनाचे धडे घेतल्याचं सांगण्यात येतं.

रेखा कामत यांची गाजलेली नाटकं (Rekha Kamat)

ऋणानुबंध, संगीत एकच प्याला, गंध निशिगंधाचा, गोष्ट जन्मांतरीची, तरुण तुर्क म्हातारे अर्क, तुझे आहे तुजपाशी, दिल्या घरी तू सुखी राहा, प्रेमाच्या गावा जावे, मला काही सांगायचं आहे, लग्नाची बेडी, सुंदर मी होणार, संगीत सौभद्र.

रेखा कामत यांचे गाजलेले चित्रपट आणि मालिका

अगं बाई अरेच्चा!, कुबेराचं धन, गृहदेवता, लाखाची गोष्ट हे चित्रपट त्यांचे विशेष गाजले. तसंच एका लग्नाची दुसरी गोष्ट, प्रपंच, माणूस, याला जीवन ऐसे नाव, सांजसावल्या या मालिकांमध्येही त्या झळकल्या होत्या. (Rekha Kamat)

The post Rekha Kamat : ज्येष्ठ अभिनेत्री रेखा कामत यांचं निधन appeared first on The GNP Marathi Times.

source https://gnptimes.in/rekha-kamat-veteran-actress-rekha-kamat-passes-away/